قبل ما تحب وقبل ما تتحب جاوب عالاسئلة ديه

من طرف **بكاء القمر** الثلاثاء 04 أغسطس 2009, 5:27 am

ف قانون الجنايات
مابني علي باطل فهو باطل
وف قانون الحب
مابني علي وهم ف استحالة أبدا ان يصبح حقيقة
وعزاب أي قلب بييجي دايما من محاولة كدب
وزي ماف قانون الجنايات ان القانون لا يحمي المغفلين
كذلك ف قانون الحب ان الحب لا يسري ع المغفلين
ولا ينفع المغفلين
قبل ماتفكر تحب وقبل ماتفكر تتحب
اسأل نفسك سؤال ؟ لا شوية اسئلة

ولما تجاوب عليها هتقدر ساعتها تفكر ف الحب او تفكر انك تتحب
وهتقدر تحمي نفسك من انك تكون حد حد مضحوك عليه
اسأل نفسك.... ياتري هو بيحبني فعلا زي مابيقول ولا دة مجرد كلام !
ياتري صادق ف كل كلمة قالهالي ولا دي عشان لزوم الحبكة الدرامية !!؟
ياتري كان غرضه مني حبه وارتباطه بيا
ولا دة عشان مجرد غرض دنيئ ...سافل ..أو وضيع هو عاوزه !!؟
طب لو منولتوش أي غرض هل دة هيقربه مني ولا هيبعده ؟
ولو بعد يبقا عشان الحاجة دي وبس ولا ايه ؟
ولو قرب يبقا أكيد عايزني أنا وبس ولا ايه

ياتري رفضي اني افتحلها الباب أو معاملتي ليها
المعامله المختلفة عن كل معاملة الناس ليها هو دة السبب لحبها ؟
هل عشان أنا مجرتش وراها زي ناس كتيرة ماعملت
دة السبب اللي خلااها تتشد ناحيتي ؟ ولالأ؟
ولما اتشديت وقربت وجيت هل هتسبني ساعتها
لأن الحاجة اللي كانت عايزاني عشاني بريقها راح ولا مش هتعمل كدة ؟

هل كان واخدها تحدي ومتراهن علي حبي
وانه هيخليني أجري وراه لمجرد انه يثبت لنفسه حاجة ولا لأ؟
ياتري كان قاصد يتسلي ؟
يضيع وقت ؟؟
يلعب ؟؟
مش عارف هو عاوز ايه ولا كان محدد ؟
هل كلمة بحبك اللي قالهالي ..قالهالي لمجرد الصدفة ولا كانت مقصودة انها تتقال ؟
قالتها عشان خاطر بتحبني ولا قالتها عشان تجرني لحبل المأذون؟
ياتري بعد ماقولهاله انا هيحس انه اتمكن من مشاعري ناحيته
ويتلاعب بياا ويخليني أتعود عليه وأفضل اكلمة
وهو ميعبرنيش حتي بالرد عليااا ولأ لا؟؟
ياتري وحنا علي علاقة ببعض هيحترمني ويقدرني ؟
ويثق فيا ويفتح لي قلبه واثق فيه وافتحله قلبي
ولا هيخوني ويبعني مع اول حد عاوز يشتري؟؟
ياتري هلقي ف حياته اسرار وحكايات وتفاصيل كان مخبيا عني
وانا زي العبيطا مش واخدة بالي منها !!!؟ ولا هيبقا صادق معايا من الأول للأخر ؟؟
هل هيستمر معايا لأخر الرحلة ولا هيسبني ف محطة جاية
او محطتين عشان يروح لحد تاني يكمل معاه الرحله ؟؟

ياريت قبل ماتفكر تحب او تفكر تقبل حب حد ليك
تسأل نفسك الحاجات دي وأي أسئلة تانية تخطر علي بالك اسألها ؟
اسألهاله وشوفه هيرد عليك يقولك ايه ؟ وسألها نفسك وشوف قلبك هيقولك ايه ؟

ولو شكيت ولو مجرد شك أن اتلجلج ف رده عليك
سيبه وابعد ولو شكيت انه بيتهرب من اجاباته أبعد عنه مهما كان حبك ليه

ومهما كانت رغبتك فيه ومهما كان لهفتك عليه او احتياجك ليه ..ابعد ؟
ولو شكيت ان قلبك متردد أو قلقان أو خايف او محتار
او مش مصدق او شاكك انصحك تسمع كلامه كلام قلبك وسيبه
بخيره او بشره سيبه اعتبرها انك استخرت ربنا ولاقيته بيقولك انه مينفعش
رغم انه ف الظاهر حلو أوي وجميل أوي وبيديلك حاجات كتييييييرة أوي

سيبها كلها وابعد لأنك لو معملتش كدة هتتوجع أوي
وتتعب أوي ....وتحزن أوي وأي لحظات سعادة عشتها معاه
هترجع عليك بتعاسة طول عمرك وأي أيام جميلة قضتها ونت ف حضنه
هتظهر بعديها سنين هتعشها وحيد وحزين وبألم عمره ماهيلم أبداا
متتسرعش أنك تفتح قلبك لأي حد

أي حد لأن ممكن أوي قلبك ميلحقش يتفتح ويفضل مقفول طووول حياتك
متسرعش ف قولة كلمة أحبك أو تصدقها
إلا لما تتأكد مليون المية انها هتتقال مرة واحدة ..لحد واحد بس
متصدقهاش كلمة بحبك لما تتقالك بين يوم وليلة
وتحاول تقنعك ان الحب مش بالوقت ولا بالشهور ولا بالسنين
الحب بالمشاعر وبالاحساس ؟
متصدقيهاش لما يقولك مش مهم اكون شوفتك
او قابلتك قد مالمهم اكون حاسسها معاكي؟
عارف انه صعب
وعارف ان كلكوا هتقولوا ان دة مستحيل
او أني مجنون
أو اني عاوز أعقدها وخلاص
بس صدقوني
أيام تعيشها وحداني
أحسن من سنين تعيشها ف جحيم
أصبر
يمكن ربنا كاتبلك الأفضل بعد يوم أو يومين
عشان ميجيش عليك يوم تحس باللي حساه ناس كتيرة أوي دلوقتي
حاجة ميحساش إلا قلب مجروح ومجروح أوي