هو انا ممكن اشحت الحب ؟ ممكن اتحايل ع الناس عشان شوية حب ؟؟؟؟

من طرف **بكاء القمر** الأحد 19 يوليو 2009, 6:04 pm

هو انا ممكن اشحت الحب ؟
ممكن اتحايل ع الناس عشان شوية حب ؟
هو انا ممكن اتسول الحب ؟
او اضحك ع الناس عشان حبايتين حب.؟
كنت ف مرة راكب المترو كالعادة ونازل وسط البلد
وونا واقف وكالعادة برضو مبقدرش أمنع نفسي اني اتأمل ف وشوش الناس اللي حوالياا
واتخيل حكايتهم ومشاكلهم وظروفهم
وانا ببص من شباك المترو
لاقيت حاجة غريبة أوي
لاقيت راجل غلبان أوي لابس أفرول مبهدل وف أيده مكنسة ف انا قلت ف عقل بالي
جايز من عمال بتوع النظافة اللي ف شارع بيتنقل من محطة لمحطة
عشان يكنس اول مدخل لاقيته راح قعد ف الأرض ومكلمش خالص
شوية وراح مطلع من ورا ضهره رغيف عيش وقعد ياكل فيه ..
المنظر دة لفت انتباهي أوي وخلاني افضل متابع الراجل دة لحد أما مشي
لأنه فكرني لما كنت بمثل علي خشبة المسرح كانت لينا داخله معينة بمشية معينه بشكل معين
بالظبط حسيتني بتفرج علي مشهد مسرحي جامد جداا
الراجل بجسمه القليل وملامحه الغلبانة أوي فضل ياخد لقمة لقمة
من رغيف العيش وأي حد تاني مش هيفكر زي مانا فكرت
وقولت هو ليه بيعمل كدة وعشان أيه ؟ اكيد مش واحد راكب
او زي م انا فكرت ف الأول ان دي شغلته ..أقصد مهنة عامل النظافة لأ
الراجل لو كانت دي شغلته مكانش عمل دة ، الراجل دة بيمثل .
فضلت متابعه لاقيت فعلا قام وابتدا يتحرك خطوة خطوة ب
طول المترو بين الراجل من غير ولا كلمة بس بيتعكز علي المقشه اللي ف ايده
وف ايده التانية رغيف العيش والناس طبعا ابتدا كل واحد يحط ف جيب الراجل
اللي فيه القسمة والنصيب لأنه تخيلوا انه فعلا عامل نظافة أو بيشحت لانه محتاج
طب انا هفترض انه مش عامل نظافة ونه بيشحت لأنه محتاج
ايه الداعي بقا للمشقة ولرغيف العيش اللي بياااااكله ؟؟؟
هنرجع للمسرح كان دايما بيقولي المخرج أو انا لما كنت بقول للممثلين
لما كنت بساعد ف الاخراج متحاولش تأفور ..
أفوره مش عارف الكلمة دي كدة صح ولأ لا هحاول اكتبهاا بالانجليزي
Over بمعني متزودش أوي ف انفعالاتك وتأفور
لأن الناس هتحس ان دة تمثيل ومفتعل ودة اللي وقع فيه الراجل
هو أفور شويتين عشان بستطعف الناس
ويصعب عليهم ويدولوا قرشين وهو دة اللي عاوزه ..
وصدفة تاني مرة شوفته برضو وتأكدت انه بيمثل

لأنه عمل زي اللي عمله المرة اللي فاتت بالظبط
طيب ايه علاقته بالحب دة ؟

نرجع لسؤالي ف الاول خالص
هو انا ممكن اشحت الحب ؟
ممكن اتحايل ع الناس عشان شوية حب ؟
هو انا ممكن اتسول الحب ؟
او اضحك ع الناس عشان حبايتين حب.؟
للأسف اتللي عملوا الراجل الشحات دة كتير ناس بتعملوا ف الحب
يعني تشحت الحب ووتتحايل عشان خاطر شوية حب ويمكن تمثل أو تكدب وفيه ناس تانية بتسول الحب
متفهومنيش غلط هو ممكن حد يشحت حب من حد ؟
قبل ماكلم انا عاوز أأكد عليب حاجة ان الشحاته مش عيب
لأنه جايز يكون محتاجه فعلا وناس كتيرة بتبقي محتاجة بجد
وبتبقي تستاهل منك أنك تعطف عليهم وتديهم وناس تانية لأ بتبقي مش محتاجة
تبقا بتكدب لأن دي مهنتها او تبقي مش عايزة اصلا انها تشحت
دة اللي انا عاوز اقوله ف الحب أن فعلا فيه ناس محتاجة مننا اننا نحبها وفيه ناس لأ ،
انا بكلم عن ناس عاوزة تاخد الحب وهي مش محتاجاه ولا عايزاه بس هي عايزة حاجة وحدة بس
ممكن يكون جنس اهتمام رغبة وخلاص اثبات ذات تلعب وتتسلي وتسيبك وتروح لغيرك
دة التمثيل ودي الشحاته اللي ف الحب مش محتاجة ف تلاقيه بيشحت منك
ويتسول منك ويتحايل عليك ويصعب عليك ف تقرب منه وتحبه ف ياخد اللي هو عايزة منك ويسيبك
وللأسف التسول دة والتمثيل والتحايل بقا كتير أوي دلوقتي وبصور كتيرررة
انا بس حاولت افتح الباب دة لكن فيه كلام كتير اوي جواه ومش عاوز أطول عليكوا وهكتفي بدول دلوقتي
وزي مابدأت بمشهد هقفل بمشهد وهي لواحدة ست شحاته من نفس النوع بس بشكل تاني
اللي ينزل ميدان الحلمية جنب مطلع الكبري يلاقيها واقفه كل يوم من الساعة 7.30 بالليل
يعني يكون الجو بقا أطري المهم , هيلاقي ست عجوزة بتعيط بحرقة أوي
وبتبكي بشدة واللي يشوفها لأول مرة هينخدع فيها
وهيفكتر فعلا انها تايها أو فلوسها راحت ..الست واقفه عمالة تدعي لربنا ..كل يوم تقول نفس الكلام
وتتوسل لربنا وللناس واللي رايح واللي جاي ..ف مرة كنت معدي جنبها كالعادة وهي عماله تعيط
كالعادة لاقيت راجل عجوز معدي عليها برضو وراح قالها – بقال 40 سنة عمالة تعيطي ..
راحت الست خرجت عن أدائها ,,قصدي عن شعورها وراحت رديت عليه
وقالتله أنت مالك متخليك ف حالك ونسيت أنها كانت بتعيط
وابتسمت وضحكت لأن الراجل دة زي حلاتي
متخدعش ف كلام واحدة عمالة تتسول الحب من الناس
والعطف من الناس والشفقة م الناس ..والفلوس من الناس. بحق أو بدون حق .
فيه ناس فعلا تستاهل منك أنك تعطف عليهم أو تحن عليهم
أو تمدلهم ايدك بالخير لكن الناس دي صدقوني مش هتلاقوهم أبدا
واقفين ف الشارع بالشكل دة ناس قال عليهم ربنا ..
"تعرفهم بسماههم لا يسألون الناس إلحافا"

للأسف دة موجود حتي ف الحب

والناس اللي عايزة الحب فعلا مش هتلاقها بتتسوله من أي حد ولا من الشارع
الناس دي سواء كانت ولد أو بنت هتلاقيهم عندهم حياء وخجل
وكسوف أن يتسول منك حاجة زي دي قاعدين ف بيوتهم معززين مكرمين "سيماهم في وجوههم" .
ف خلي بالك كويس أوي متحبش حد عشان صعبان عليك ولا عشان محتاجلك
او محتاج منك حاجة أو عشان بيقولك انه محتاجلك لأنه يمكن أوي وجايز أوي متكونش دي الحقيقة
والحاجة دي متكونشي لها وجود ممكن يكون بيخدعك عشان يوصلها أو توصل لحاجة منك ...
حب اللي تحسه فعلا انه محتاج منك الحب دة
لا بالكلام ولا بالأداء ولا بالتمثيل ولا بالاستعطاف لكن بالحب
عشان متجيش وتنخدع ف حد قال انه بيحبك وهو لأ ..
عشان متجيش ف يوم وتقول لنفسك ان زمان
...كان عندي قلب!

منقوووووووووووووووووووووووووول