من عيوب الحب, اللي تخليك تخسره بسهولا.. أنك تبوز كل اللي بيعمله حبيبك عشانك مع أرخم عيب ممكن تقابله ف حد بتحبه

يجوز أنك تكون ف الحب متسرع
ويجوز أنك تكون أهوج أو طائش
ولا مانع أنك تبقا حد مجنون ونت بتحب
ولا مانع أيضا أنك تبقا متلهف ومدلوق عليه
لكن لا يجوز أبدا أنك تكون م اللي بيتقال عليهم
مدب فيه
مدب ف الحب
حاجة غريبة صح؟
يعني ايه ابقا مدب ف الحب !!؟
وايه الكلام دة ؟
وايه الموضوع دة أصلااا !!
هو فيه مدب ف الحب وفيه حد تاني لأ !!؟

أنا افهم أة ان فيه واحد ف حياته مدب في تعاملاته مع الآخرين ..لكن ف الحب ازاي؟
من اكتر الأسباب اللي بتخلي علاقتك بحد بتحبه علاقة فاشلة هي بعض عيوب فيك او فيه
ون انت رغم مرور الوقت مابنكوا لا قادر تغيرها ولا هو قادر يغيرها فيك ,
مش بس أثناء العلاقة لا دة ممكن كمان يبدأ الاحساس بالعيوب دي حتي من بداية أي تعارف
مابنكو ف بالتالي تأثر علي استمرار العلاقة وانتقالها من علاقة تعارف الي علاقة حب
.وتسأل نفسك ساعتها ايه اللي حصل خلاه ميستمرش معايا !

هتلوم نفسك وممكن تلومه حتي أنه مصبرش عليك ونو خدكش بعيوبك زي ماخدته بعيوبه !!
بس خلاص هتكون ان الفرصة عديت وهو سابك أو انت مقدرتش تكمل
نقطة اني اكون مدب دي او يكون حبيبي حد مدب نقطة مهمة جدا خلتني أقف عندها
والمدب دة اكتر من نوع
منها أنك تكون حد بطبعك مدب سواء ف كلامك أو ف تصرفاتك
أو حتي ف رد فعلك ,ومنها انك تكون حد ملوش خبرة
ودي أول تجربة ليك ف بالتالي مش عارف تسيطر علي مشاعرك
ومش عارف ايه الصح وايه الغلط ف بالتالي ممكن اوي تغلط ؟

كتير بيشتكوا من الحاجة دي ودة اللي أتكلم عنها هكلم فيها عن العيوب اللي بتخلي اي علاقة حب
تنتهي قبل ماتبدأ. وازاي نتفادي العيوب دي ونعالجها عشان متبقاش مشكله لينا بعد كدة.


فاهمني؟

ف اختارت أبدا النهاردة بالناس المدبة ..لأنهم بصراحة بيغيظوني أوي
مش بس عشان التصرفات الغريبة والمريبة اللي بيعمولوها في حد بيحاول يقرب منهم
لأ كمان عشان لو كانوا فعلا اتنين مرتبطين وواحد فيهم حد مدب كدة ,,
غشيم زي مابيقولوا وجه التاني وحاول يعمل حاجة يبسط بيها حبيبه
او مفاجأة عاملهاله أو كلمة حلوة قالهاله
ف تلاقي حبيبه المدب دة زي مابيقوا جه طفٌا النور

وزي مابيقولوا برضو ضرب كرسي ف الكلوب وبوز الفرح .
دة اللي بيغيظني اوي لأن الطرف التاني بيبقا محضر نفسه وتعبان
وعمال يفكر ف حبيبه ويعمله ايه وييجي دة يبوز عليه كل اللي عمله ..

مثلا لما بييجي يقعدوا مع بعض , يحاول يمسك ايده أو يمشي جنبه ,
تلاقي حد ف حته ودي ف حتة تانية خالص وكأنهم مش ماشيين مع بعض خالص
وكأن الناس هتفهم انه ماشي وراها بيعاكسها او حاجة كدة ف دة يحطه ف مشاكل ..
وكل دة ليه لأنها بتكسف اوي أو خايفه حد يشوفهم مع بعض ..
مثلا برضو ييجي يقولها كلمه حلوة تقوم كتماه كدة بكلمه تسد نفسه عن الحب كله ,

أو هو بطبعه حد مش رومانسي اوي وشغله وحياته كلها مع عمال وصنايعيه
ف هي تيجي عملاله مفاجأة ف البيت مثلا لو لسه متجوزين وقايداله شمع وطفيا النور
ومشغلا موسيقي .

.يروح بكل برود يقولها ايه : ايه هو النور قاطع !!؟
ياشيخة قيدي النور بدال وجع العنين دة .
دايما المدبُاتي بيبدأ او بيبان من كلامه ..

بتعبر بقا عن ظروف تربيته والمكان اللي عاش فيه واصله منين
وبيظهر الفرق دة لما هو او هي بتكون من وسط اجتماعي أعلي شويه
ف بيبان المدب هنا من خلال الكلام
لأن طبيعي ان طريقة الكلام ورد الفعل هتكون مختلفة ودورنا هنا بقا
اننا لا نحاول نتأقلم مع طبيعته دي يا نحاول نغيرها

لكن طول الوقت هنقعد نعلق ونشتكي ومصمص شفايفنا بضيقة دة اللي يخلق المشاكل .
فاكرين مشهد سناء يونس ف فلم سك علي بناتك ,
لما ضربت خطيبها عشان حاول يمسك ايديها ف شارع
وقال ايه بيعيديييني ؟هههههههه هو دة الحد اللي بكلم عنه

ياما حد ملوش تجارب خالص ف انفعالاته كلها كدة غريبة يأما دي طبعته
ف احنا قدامنا حل من اتنين يا تحاولي تحليها لو كنتي بنت او تحاول تتعب معاها شويه
لو كنت ولد والبنت اللي مرتبط بيها قفلة اوي ومدبة زيادة عن اللزوم يأما كل واحد فينا
يشوف جواه عيوب ايه ويحاول يغيرها مدامت دي فعلا عملاله مشكله مع الناس عموما

لأن اكيد هيلاحظ الناس اللي بتقرب منه بتبعد بعد فترة
ولو هو مش شايف كدة يبقا دي أكيد مشكله تاني ف عيوبه
ممكن نكلم عليها بعدين .

كلمة اخيرة بس احب أقولها لكل واحد عنده المشكلة دي
انك تكون مدب..

انصحك بلاش , لأنها بتوجع اوي الشخص اللي بيقرب منك ,
فيه تصرفات تلقائية بتدبها انت ف ممكن تطلع حلوة لكن فيه برضو
واحيانا كتيرة تصرفاتك بتزعل أوي .

أكيد كل شخص مدب ليه مدخل واكيد احنا لازم ندور ع المدخل دة
لأن أغلبهم عاوزين نوع معين من التعامل وعاوزين أكتر الهدوء
وانه يكون براحة أوي ف التعامل يعني متحاولش تفاجأئها كتير ,
متحاولش تحطها ف موقف يسبب لها قلق أو احراج او كسوف

استحملها خليها تتعود عليك بشويش وواحدة واحدة
وخليها هي اللي تبدأ الموقف ونت تكون رد الفعل فيه .


متحسسهوش ان دي مشكله فيه ونها عيب خلقي مثلا عشان ميعندش اكتر ,
برضو بالتفاهم وبراحة كل حاجة هتتحل وهتفهموا بعض وتتطبعوا بطبع بعض
ومتتخيلش أبدا أنك هتلاقي واحد كامل من مجاميعه كدة لأ كلنا فينا عيوب
وكلنا فينا حاجات مبنحبهاش بس الحب اللي بجد هو اللي يستحمل
وهو اللي يحاول يغير للاحسن وهو اللي يصبر وهو اللي يتعب ,
عشان ع الأقل تلاقي ف الآخر .. ثمرة حبك دي
حلوة وعلي قدك وزي م انت كنت عايز
وزي م انت تخيلتها